ili-ili

Описание

Гурт ili-ili існуе з 2011 года, заснавальнікамі якога з’яўляюцца артысты Купалаўскага тэатра Міхаіл Зуй і Дзмітрый Есяневіч. За гэты час былі выпушчаны два альбомы: “Past Perfect” (2012), “List” (2013) – і адзін міні-альбом “post01” (2011). У 2013 годзе гурт стаў лаўрэатам фестывалю Basowiszcza, а трэк “Танчыць” атрымаў Нацыянальную музычную прэмію як “Найлепшая беларуская песня”. У 2015 годзе гурт прыняў удзел у праекце “Anima”, прысвечаным дзейнасці. Музыка ili-ili пачатку 2010-х увабрала ў сябе мастацкі густ і рамантыку далёкіх купалаўскіх гастроляў, выбухнула шэрагам гучных хітоў і ўзбагаціла тэатральны рэпертуар аўтарскай музыкай да многіх спектакляў. Гурт ili-ili 2018 года – гэта новы фармат, новае слова і новае гучанне. Адчуўшы покліч электронных бітаў і сувязь з космасам пост-року, гурт выпусціў пілотны трэк пад назвай “Мабыць” – як крок на шляху асэнсавання сябе, уласнай цэльнасці і творчай звышзадачы. Удзельнікі гурта: Дзмітрый Есяневіч - вакал, гітара, тэксты Міхаіл Зуй - гітара, вакал, тэксты Эрык Арлоў-Шымкус - сінты Ігар Юшкевіч - бубны Віталі Кулеўскі - гукарэжысэр